"MANJO TATAWA"

Tabea samua penggemar cerita"GRAP GRAP MANADOKU".... 

qtya harap kamo samua ada sehat2 karuuu yah....

oya....cerita ini hanya fiktif belaka,cuma mo kaseh tatawa orang supaya nda stress..jadi kalu ada ksamaan Nama,tempat,dan kjadian yang sama berarti itu cuma kebetulan ...jadi jang taru kira kong jang karu tersinggung...:)ityu depe nama bakusedu....

"slamat membaca...jang taru kira neh?kalu stress berlanjut hubungi dokter masing2...wkwkwkwk

 IKANG FAVORIT

yohan deng dpe maytua pigi pesta”Sementara doa makan. yohan so ser ser itu dpe ikang favorit. pe klaar sembayang. yohan langsung ambe ikang mas stengah ekor. kong yohan babise pa dp maitua.

yohan    : mince.memang skrg so jaman modern kang.so canggih skali..

Mince    : kiapa so yohan?.

yohan     : Coba ngana lia kwa ini ikang mas. nda ada satupun depe tulang…

Mince     : pe biongo ngana yohan, bekeng malo ehh.. itu podeng ..maar model ikang..!!

 ALASAN NDA BEKING PR
 

Enci Lany  :  jenry,kypa ngna trlambat ley ka skolah?

Jenry            : orang ada copeet kwa pa qta di jalang nci....."

Enci Lany    : haaaaa...???mar ngna nda apa2 toh jenry?

Jenry            : nyanda noh nci...."

Enci Lanny  : kong apa tu da ilang dank?

Jenry            : qta pe Buku PR nci,dorng ada bawa lari......!!!

Enci Lanny  : memng jo ngna pe pang dusta nda mo abis2.....,ba diri ngana di muka!!x_x

MARLON BA LAMU

Pagi-pagi smo karja Marlon ba jalang dengan depe motor, somo dekat di prampatan marlon dapa lia polisi yang so haga-haga pa dia, marlon langsng cek, helm: ada, sim: ada, kacaspion:ada, knalpot:standard…
kage dia sadar depe lampu muka blum kase manyala, laju-laju dia kase manyala mar tetap polisi dola,
polisi    : slamat siang pak
Marlon : siang bos (babuju)
polisi    : kiapa tadi lampu muka baru kase manyala?
Marlon : nintau leh pak, dia kalo lia polisi, dia OTOMATIS manyala…
polisi    : ohh…
kage-kage polisi langsung tumbu dimuka pa marlon… BUGHHH!!
Marlon  : eh kiapa ini pak polisi tumbu dimuka pa qta??
polisi    : nintau leh,.. qta pe pulungku kwa OTOMATIS pigi kalo dengar orang ba-Lamu

  

CARI SUPERMI

Tenga malam, Roby suka mo ba bli supermie. deng doi 700 pera ditangan..
sampe diwarong,
Roby   : “tok,tok,tok”
ko’      : syapa?!
Roby   : ini Roby ko!
ko’      : mo bli apa?
Roby  : ko’ ada supermi rasa kari ayam?
ko’      : ada, 1500 pera dp harga
Roby  : kalo supermi rasa soto ayam?
ko’      : ada leh.., 1500
Roby   : ko ada yang harga 700 pera?
ko’      : ada..supermi rasa tai ayam..!!(so pastiuuu)..

UNDANGAN KAWENG

jefry      : mon,qta dapa undangan kaweng nih hari...."

reymon : kong kyapa?mo pinjang doi leh ngna??!!!

jefry      ; bukng bgitu sob...di undangn kwa ada tulis "JEFRY DAN PARTNER" apa dank partner pe arti sob???

reymon  : huuuh...!!memng ngna biongo skali."PARTNER" itu depe arti....Emplop bogo!!

SPATU TA RABE

dinan pulng rumah,dpe spatu rabe.....

dinan       : pa...napa qta pe spatu da tarabe...

papa         : iyo...tenang jo ngna dinan,kalo papa so ada doi,nanti torg 2 pigi di mall kong nae di lantai atas......"

dinan        : kong torang mo pi bli spatu pa.....??

papa          :nyanda.....anak!!cuma mo pi bli lem

"BA UPDATE STATUS DI KANDANG SEBELUM DORANG BANTAI"

"HATIKU BUKANG FALINGGIR"

"BA GRAP SKALI"

MINUM KOPI

janry pigi mandarat pa depe maytua,pas pe maso rmh dpe mytua pe papa haga deng mata manyala pa janry.

janry    : malam om..."
Om      : malam...duduk!(muka maskenah,kumis ta angka)

janry    : elen ada oom??
Om      : tunggu jo dia ada ba ganti (suara krass)
lantaran ini om binci pa janry terpaksa dia beking akang kopi pa janry,mar nda pake gula cuma kopi sasaja.

Om      : minum jo dulu tu kopi..."(tatawa sey....)
janry    : iyo oom...

Om      :kypa ngna pe muka bagitu.kurang sanang nn qta ada bking akg kopi?
janry    : nyanda oom...(so sdiki napsu)

Om      : kalo disini ja minum kopi musti ja kseh abis,kalo nda setang mo minum.........!!!!
janry  langsung ba suara ....(ini komang so napsu)
janry     : biar jo om nda abis...SPYA TU SETANG TAU LEH BGIMANA NI KOPI PE PAIT HAHAHAHA...

 
 BAKU LAWANG HP

Ferdinan  : din....ngana so ada BB?

Mudin      :nda ada noh, cuma ada CC...

Ferdinan   :apa leh tu CC din?

Mudin      :apa dulu dank tu BB?

Ferdinan   :kalu BB itu Blackberry tau!noh kalu CC dank apa din?

Mudin       :CamCung.......noh hahahahaha:).

Ferdinan    :orekeyyyyaku......

 TOPLES

Meis   : al, kyapa tu toples isi Gula ngana tulis  Garam,nda salah do?

Alce    : yah doe.....itu depe nama skill meis, supaya kalu bifi baca boleh ta tipu..

 Meis   :  hihihihihihi.....

BA LOGAT

Suatu hari, Ungke deng depe mama pigi Jakarta,kong dorg dua so baku janji kalo so sampe Jakarta musti ba logat supaya orang2 nentau kalu dorang dari Sanger...

Pas di bandara Ungke pe kapala tatoki...

Ungke    : aduhhhh kepala ungke sakit nih ma..."

Mama    : kenapa kamu nak...?

Ungke    :iya nih ma,kepala ungke ngeTOKI..."

Mama     :kenapa kamu tidak ngeRUKU?

Ungke    :ada ma....tapi tidak ngeRIKI..."

Mama    :yahhhh ungke gimana sih!.....'ngeODE....."

BRAPA LITER

Ungke mo pi bli roko pa om ferry.
ungke      :om,bli roko dang..
om Ferry :(acuh..ator2 dp jualan)
ungke      :(bicara sadiki kras) om, bli roko dang!
om Ferry  :(masih cuek..)
ungke       :(bataria kras2) Oomm..! bli roko daaang!!! 

om Ferry   :(marah) he ungke! Tau sopan sadiki kalu bicara pa orang tua. Ngana kira kita pongo! Brapa liter minya ngana mo bli??
ungke        :????!

SIRANG BUNGA

Ada ini Tanta Vetien suruh dp pembantu sirang bunga di halaman.

Tanta Vetien     : momo.....co ngana sirang akang tu bunga di halaman. 

Momo               : ba ujang kwa nyonya.....

Tanta Vetien     : bodok ngana e.... Pake payung no!!
Momo               :??????!!!???

MO CUBIT

Yohan so gatal dpe tangan lia tu cewe gaga lewat pa dp muka. 

Yohan     : bole kita mo cubit satu kali ngana p pipi?nanti kita bayar 1juta.
cewek     : (marah, mar serta pikir2 horas bagini cari doi susah kong dia iyo) iyo dang mar torang pi basambunyi di sablah pohong ne? 

Yohan      : mari jo dang.
serta di sablah pohon, tu cewek pe pongo2 Yohan cuma da sayang2..
cewek        : capat jo kwa Yohan.. Orang smo dapa riki. 

Yohan        : nemboleh kita mo cubit no.
cewek        : alaa..capat jo.. 

Yohan        : blum bole no..
cewek        : kyapa? Ngana blum pernah pegang cewek so? 

Yohan        : bukang bagitu.. Mar kita blum ada doi mo bayar..
cewek        :????!!x_x:)

BITUNG

 ini valdy baru pindah skolah,kong dia blum talalu lincah babaca,na...di klas tu enci smntara kse bljar babaca. waktu enci suru baca tu di papan samua anak2 bataria "BITUNG!!!!!,enci taru kira ni valdy cuma iko2 rame kong enci suru baca itu "BITUNG" pa valdy sandiri,valdy baca "BITUNG"!....kong tu ibu hapus akang 2 huruf di blakang kong suru baca pa valdy.,ni valdy so bingo....dia ba pkir tadi BITUNG skarang so se kurang 2 hruf...utu smntra ba pikir kong tu enci feto!!capaat baca ini valdy!!!!kong valdy baca...."bu...kalu bukang MANEMBONEMBO paling GIRIAN!!!

MANADO VS TORAJA

Orang Manado: (pe sombong) “torang pe captikus, bakar manyala, mar torang cuma ja minum sama deng obat dokter.. pagi, siang, malam”

Orang Toraja: (so panas) “Cuma bagitu ?? kalo torang orang so mati torang se bajalang!”
Lantaran so pastiu Orang Manado Lngsung Angka Suara  ...
orang manado: (so sombong, nimau kalah ley) “Ngoni orang mati ngoni kase bajalang, kalu torang orang bajalang, torang kase mati!”  !!   NGA MO TESTTT  ......

RUMAH MAKANG BAWA LAUT

OBBY , JAMES dg RAYMON nae parao dari manado mo ka bunaken... sampe di tenga2
laut antara manado dg bunaken terjadi kejadian aneh... OBBY terjun ka laut
kong menyelam, 5 menit OBBY di dalam aer kong OBBY kaluar 

OBBY : woi... qt nda sangka di dalam laut ada rumah makang katu kang... !?
nda rekeng tiga JAMES langsung ba lumpa kong menyelam...
amper 10 menit JAMES di dalam kong JAMES kaluar... :

JAMES : adoh iyo kang, qt so dari sana leh OBBY, depe makanan enak2 kang... !?

RAYMON yang ada di situ tambah penasaran... (Padahal OBBY dgn JAMES cuma beking
gila pa RAYMON)
nda pikir panjang RAYMON leh langsung ba lumpa,.. pe soe pa RAYMON... pas dia
balumpa, ada karang di bawah... kong RAYMON pe muka bintul, dg dp badan ta
cukur2 karana ta toki di karang...
blm sampe 3 menit RAYMON so timbul... RAYMON leh nimau mo malo, kong RAYMON bilang pa OBBY dgn JAMES...

RAYMON : cukurungan deng ngoni dua... !!! ngoni ada makang nda bayar
kang... ? napa depe satpam so rako pa qt... !!!

 

Laka lantas :

Polisi     : alo, bagimana kronologisnya sampe 32 org ngana tabrak sekaligus?

Alo         : qt komdan da bawa truk dg kecepatan 100 km/jam pas di per3an kage depe rem blong, kalo qt banting stir ka kanan ada acara kaweng sedangkan kalo ka kiri ada 2 org ba jalan. Sekarang qt mo tanya pa komdan, kalo komdan mo tabrak yang mana??

Polisi     : so pasti yang kiri, kan cuma 2org..

Alo         : BETUL SKALI ITU KOMDAN !! qt leh ba pikir bagitu no komdan.,

Polisi     : kong, kyapa org2 yg di pesta kaweng yg ngana da tabrak dang??

Alo         : nah itu masalahnya komdan, qt so pilih mo tabrak tu 2org, ehh ternyata dorang 2 lari ba potong ka kanan pigi di pesta kaweng.., jadi qt banting stir ka kanan noh komdan, for dusu pa 2 org itu…

MINCE JUAL PANADA

MINCE ba jual panada d muka Jumbo
kong Ada ibu ba bli tu MINCE pe panada sambil ba beli ibu batanya p MINCE..

ibu                : tanta MIN so lama ba jual d sini ..?
mince            : iyo bu..
ibu                 : tanta min ada anak ?
mince            : iyo ada bu ..!
ibu                 : brpa .?
mince            : 2 bu…
ibu                :kong da kerja d mna dank ?
mince           : satu d bank BRI satu d Bank BNI..
ibu                : doh pe bagus kang… kong d bagian apa dank dong 2 ?
mince           : sama leh bu jga ba jual panada.. . . . … .
ibu               :!@#$%^&*()(*&^%#$%^&*

SURGA

Pak Yansen guru agama sementara mengajar pa dp murid2

Pak Yansen      : anak2, sapa suka masuk surga ? berdiri sekarang!!!

Murid               : Badiri samua serentak, mar dikursi sudut belakang ada Novendy cuma santai angka kaki…

Pak Yansen      : Woiiii,,, begal, ngana suka maso surga atw nimau ???

Novendy           : suka no !!!!

Pak Yansen       : kiapa ngana nyanda badiri dang ???

Novendy          : Somo pigi sooo ???

 BAKU LAWANG PANGKAT

Ondos : “Kita pe papa waktu taong 1975, depe pangkat so Mayor. Skarang, so Mayjen.”

Utu     : “Ah..kalu kita pe Oom taong 1970 so Kolonel.” 

Ondos : “Berarti so Jendral skarang kang ?”

Utu     : “Nyanda, so meninggal.”

BA GRAP 2

Alo In Love"

Alo: mince, memang qt bukang org kaya, qt nda ada doi, nda punya villa, oto, apalagi perusahaan besar sama dg qt p tmn utu. Mar qt sayang n' cinta skali pa ngana..
Mince pe mata so ba kaca2,,

dia polo kuat2 pa alo 

kong mince bilang, 'alo,,kl ngna memang butul2 sayang dg cinta pa qt, kse kenal akang qt dg utu..


Abe mo bli kendaraan baru
 

Suatu hari si Abe dari Tomohon (Mahasiswa dari Manado ), pigi koliah di
jakarta .
Orang bilang dia ba kuliah di UI.
Kong tiap hari de pe tamang-tamang, pulang pigi kampus pake oto deng
motor pribadi, mar kasiang si Abe cuma ba jalang kaki.

Kong dia so nyanda tahan, kong dia pi ba telphone pa de pe papa di Tomohon.

Abe (lapor) : "Pa, napa kita pe tamang-tamang pi di kampus ada bawa
kuda, si Sam bawa panther, si Olan bawa kijang, kong si Utuk bawa bebek,
no kita dang ??????????".

Papa (jawab) : "kasiang sekali ngana do'e nanti papa kirim akang babi jo
vor ngana di sana

Abe : ???????????? ????????? ???

Om Alo pang minum

---

Om Alo lantaran so mulai sadar kalu depe kebiasaan minum lama-lama mo beking cilaka pa dia, dia pi dokter mo konsultasi

Om Alo : Dok, bagimana kang depe cara spaya kita bole brenti minum?
Dokter : Om Alo ja minum brapa banya so?
Om Alo : Yah ... 1 malam bole abis 10 botol cap tikus dok
Dokter : O mate ... sadiki jo, Om Alo musti se kurang plang-plang itu
Om Alo : Bagimana depe cara dok?
Dokter : Kalo biasanya Om Alo minum 10 botol, coba ini malam se kurang
Om Alo : Io dang dokter, ta coba neh

Om Alo pulang ... dengan kemauan kras mo se kurang depe minum
Amper siang ... kage-kage ada yga batoki dokter pe rumah ... tok tok tok tok
Pas dokter buka pintu, dapa lia kamari ini anak-anak kampung ada angka ni om so tacukur kong pica-pica dara.

Dokter : He? ... ini Om Alo to? ba minum pe karja le kwa ini, ta so bilang se kurang
Om Alo : So lantaran itu kita bagini dok
Dokter : dari kong kyapa?
Om Alo : Biasa dang dok, kalo abis minum kita pulang musti lewat jembatan kacili. Nah ... kalo ta minum 10 botol tu jembatan dapa lia 3, ta pili jembatan tenga ... sampe ruma kita.
Tadi malam ta minum cuma 7 botol, tu jembatan cuma dapa lia 2, ta pili tu di kanan ... yah ini no depe hasil dok.

  Adam dan Hawa

A : Klo ADAM dan HAWA orang Minahasa mungkin manusia nyanda akan jatuh dalam dosa....
B : Qapa bagitu dang?????
A : Paling dorang nyanda tertarik pa tu buah....dorang lebeh tertarik pa tu Ular.. B : !?!?!?! 

 Nyong deng Polce baku tukar pikiran tentang CINTA
Nyong: "Biar belum ada yang berhasil kita gate maar rasa-rasanya so 3x kita jatuh cinta."
Polce: "Biar ja takikis yang penting so pernah rasa thoh? hhhe.."

Nyong: "2 taong lalu ta dusu-susu pa Norce, ta pe hati so jatung berkali-kali ternyata dia nyanda ada hati reen pakita!"
Polce: "Seperti itu so bukang lagi cinta maar OBSESI"

Nyong: "Setahun lalu kita jatuh hati ulang pa Norma, mati-matian kita dusu padia dan untuk kedua kalinya tape hati so jatung berulang-ulang sampe taplaka dia jo nimau pakita!
Polce: "Ado, tamang…itu komang so talalu ber-NAFSU namanya!"

Nyong: "Akhir-akhir ini kita bakudapa deng Noni, dia pe imut en cute nyanda ada dua, dimana dia pigi kita coba iko tapi herannya setiap kali kita lia padia tape puru rasanya manucu, apakah ini yang namanya CINTA SAMPE MATI?"

Polce: "Waduh Sobat, ini namanya SAKI PURU…tasibu baiko sampe lupa isi tu puru!"

BERDOA

Setiap kali Wempi mo pi skolah Mace so kase pesan "Tole, jang lupa berdoa minta pertolongan Tuhan kalu ada ulangan."

Wempi: "Iyo, ma…rupajo makang nasi, Wempi slalu berdoa 3x sehari kwa"

Pe pulang skolah Wempi pe muka so rupa ada gantong blangan tanah (berat ka bawah)

Mace: "Kiapa, le?"
Wempi: "Maaa, kali ini hasil ulangan dapa 'leher gangsa'
Mace: "Haahhh.., tantu angko nyanda berdoa kang?"

Wempi: "Bagimana mo berdoa, bulung mulai tareen enci Yotje so bilang 'nimbole minta pertolongan sapa-sapa!"

Gula-gula goro (permen karet)

Jepang : keapa ban bekas dorang buang-buang ?
Utu' : no, kong for apa dan...
Jepang : kalo di jepang, ban bekas maso pabrik for beking kondom kong jual di manado
Utu' : kong kalo kondom bekas di jepang beking apa dan...
Jepang : buang no, for apa dan...
Utu' : kalo di manado, kondom bekas maso pabrik for beking gula-gula goro kong jual di jepang
Jepang :????'..!!!


Anjing Jago

Dua orang wewene (perempuan) sementara baku-ambe akang (berdebat) tentang dorang pe anjing-anjing.
Nyanda ada diantara dorang yang mo mengalah, karena masing-masing basombong akang dorang pe anjing anjing.
Wewene A: “Kita pe anjing hebat sekali. Tiap pagi dia so tunggu tu tukang koran di muka pintu. Bagitu tu tukang korang datang, Blacky langsung ambe tu koran kong kase pakita yang sementara smokol (sarapan) di meja makang”.
Wewene B: “Kita komang so tau do’ itu…” (udah tau lah gw kalo itu sih)
Wewene A: (kage jaha) “Hah? Darimana dang ngana tau?” (eh darimana loe tau?)
Wewene B: “Kita pe Anjing yang cirita…” (Rasa ngana…hehehe) — (anjing gw yang cerita, hehehe rasain lu)
 
Tong tiga

Ada tiga nona nona dari Manado mo nae tu becak di Jakarta, kong bilang bagini ‘pa itu tukang becak:

“Bang ! ‘Tong tiga boleh…?” (maksudnya torang tiga = kita bertiga)

Kong ‘tu abang manyao (bilang)  bagini :

“Hah…?! Tong satu aja berat banget apalagi tiga, Neng !!!”

hahahaha …. :)

---

BA GRAP 1

Warna Kuli

Ada satu kali di tampa pendaftaran kerja, ada 3 orang m ba isi biodata...drang dp tanxa warna kuli,,, pertama dp tanxa orang minahasa... dia bilang kuning langsa,, kadua orang mongondow... dia bilang sawo matang......

napa ungke katu s bingo,,, ungke p pikiran nama buah buahan samua ini... ungke s lbeh gugup lantaran smo dp giliran... no ungke in dari sanger konk dp kuli sdiki glap...

pas depe operator tanxa.... ungke warna kuli???? konk ungke jawab "salak tagulandang"

Om Bule Meninggal

Alo pe om bule meninggal. Jadi tu keluarga-keluarga laeng yang dari negara luar datang semua. Kong, waktu di rumah duka, Alo dengar samua manangis ba bahasa Inggris.

Bule 1 : "Hikz,... why you die so fast... hikz hikz..."

Bule 2 : "Pleaase don't leave me..."

Bule 3 -9: "Hikz hikz hikz... we will miss you..."

Alo so ilang slak lantaran dia nintau toh mo cumu apa mar. Lantaran tu gengsi nemau kalah dang to, Alo ba bise kacili disei mayat...

Kong Alo bilang : "Happy birthday..."

Minta Pin BB

Alex: "Utu ngana pe pin BB brp ? Biar torang bole mo baku BBM-an."

Utu : "Ini catat jo 17AUG45, mantap to? Kalo ngana dang brapa... Alo??"

Alo : "Hhmm ini kita pe pin bb catat jo.. G30SPKI..!!"

Alo Belajar Bahasa Inggris

Alo belajar bahasa Inggris.

Ibu Guru: "Ibu saya?"
Alo: "My mother..."
Ibu Guru: "Ayah saya?"
Alo: "My father..."
Ibu Guru: "Temen saya?"
Alo: "My friend..."
Ibu Guru: "Aww suda ada kemajuan ngana Alo? hmmm... kalu 'pacar saya' dang?"
Alo: "My tua..."

Judul Film Manado Asli

Judul Film Manado Asli:

The last samurai: Peda terakhir
I Am Legend: Makang puji
Night at the Museum: Malam-malam di muka SMP 1
The World is not Enough: Kase hati mau jantong
Hantu Jeruk Purut: Setang ini bukang daong lemong
A time travelers wife: Bini pang ba pontar
The Terminal: Tomohon, tondano, somo brangkat!!
My Wife Is A Gangster: Bini bajingan
Putri yang ditukar: Bidan nda ba taru kira
Cinta fitri: Nyanda abis-abis
Gone With The Wind: Konto Babadiam
Alien vs predator: Mambao lawan pa Sumanto
The Ghost Raider: Songko ba ojek
I Like it: Kita orang laikit
The Proposal: Ba Cari Dana
Bangku Kosong: Nda pi sekolah
Escape from alcatraz: So tumingkas dari malendeng
Drunken Master: Banyak di manado
Transformers: Trans Kawanua
Suami-suami takut istri: Bini Injang-injang
200 pounds beauty: Gaga tre mar gode
Million Dollar Baby: Babi harga kintal
Yes or no: Bilang jo, klo iyo, iyo, kalo nyanda, nyanda.
Mengejar Mas Mas: Ba bli eis cukur
Iron Man: Laki-laki sementara ba strika
X-Men First Class: Mantan cowo di klas 1 SMA
Beranak dalam kubur: Nda ada bidan
One miscall: Nda modal
A Big Fat Liar: Gode Pangbadusta
Hellboy: Laki-laki setang putar
Monster in law: Mama mantu le ka monster
Mamma Mia!: Mia pe mama
Armagedon: Bertobat jo, somo kiamat
The Lord of the Rings - The Return of the King: Raja babale ambe cincin ta tinggal
Harry Potter and half blood prince: Harry potter deng pangeran kurang darah
James bond: Jems pe utang
The vampire diaries: Catatan harian paniki sebelum jadi ikang
When in rome: Waktu makang kukis Roma
Shark 2: Cakalang Fufu
Prince of persia: Nyong-nyong Kampung Arab...

Punggu Dompet

Ungke batelpon ka radio Memora FM

Ungke: "Halo.. Memora FM? Ini kit ungke. Kita ada dapa dompet di jalang. Depe isi doi 4 juta, kartu kredit, voucher blanja hypermart, KTP, SIM, deng STNK atas nama Alo."

Petugas di Memora-FM:

"Oh kasiang ungke Bukang main do ngana pe jujur skali. Jadi ngana ba telepon supaya torang mo umumkan diradio, kong ngana mo kase pulang itu dompet, dang? So susah komang mo dapa org jujur rupa ngana jaman sekarang ini, ungke..."

Ungke : "Oh, nyanda.. Kita cuma mo minta putar akang lagu for Alo. Depe judul 'RELAKANLAH...!!'"

Bacarita Sedih

Alo, Utu, Ungke pasiar ke jakarta. Dorang 3 menginap di hotel JW Marriot, hotel beken di Jakarta. Dorang pe kamar di lantai 45. Siang-siang sampai malam mereka jalan-jalan ke mall, pas dorang pulang, sampe di lobby, tiba-tiba mati lampu.

Lift juga iko mati jadi dorang tiga musti nae tangga pi pa dorang pe kamar. Nah, supaya nda talalu barasa mo nae lantai 45, dorang berdiskusi kong berbagi tugas. Jadi dari lantai 1 sampai 15, Utu musti cerita grap-grap, kong lantai 16 sampai 30, Alo musti cerita setang-setang, kong dari lantai 31 sampai 45, Ungke yang se cerita sedih-sedih.

Jadi no dorang nae, Utu mulai cerita yang grap-grap beking dorang tatatawa sampe nda dapa rasa so dilantai 15. Lanjut Alo bacirita setang-setang, beking dorang tegang maar sampe no dorang di lantai 30. Biar kaki so bangka maar dorang so sanang karena so badekat pa dorang pe kamar. Kong Ungke pe giliran.

Ungke (dengan ekspresi sedih): "Sebenarnya dari tadi kita mo cerita maar tako nanti ngoni marah."
Utu: "Cerita jo capat somo lantai 40 ini..."
Ungke: "Jadi begini, itu kunci kamar ada tatinggal di oto di bawah."
Alo: "Adooo Ungkee, kiapa ngana nda bilang daritadi?"
Ungke: "Blum ta pe giliran ba carita..."

Pe Saudara di Provost Polda

Pas Alo lewat di pertigaan Citraland, Alo pe motor polisi swepeng. Alo so bingo yaki lantaran lupa bawa SIM deng STNK kong nda pake helm.

Polisi: "Selamat siang pak, mana SIM dan STNK?!!"
Alo: "Adoh, lupa bawa, komandan.."
Polisi: "Kalu bagitu ngana iko pa kita di pos, mo tilang pa ngna!"

Alo: "Adoh kasiang, tunggu dang qt mo telepon pa kita pe kakak di provost deng kita pe ade di Dirlantas POLDA."

Dengar Alo bilang bagitu, polisi jadi takage.
Polisi: "Ah, butul so dorang di Provost deng di Polda?"
Alo: "Iyo, napa kita kase nomor telepon kong telepon kalu nda percaya."

Polisi: "Ya sudah, untung ngana om ada sudara di Polda deng di Provost. Pigi jo om."

Alo pe pigi, polisi jd penasaran kong ba telepon di nomor Alo da kase.

Polisi: "Selamat siang, benar nomor ini di Provost Polda?"
Suara Telepon: "Benar, pak!"
Polisi: "Izin pak, kalu boleh tau, ini di bagian apa?"

Suara Telepon: "Ini di KANTIN, pak, laju jo bapak mo pesan apa?"

Polisi dalam hati : "oh ampuungggg, mo pesan, roti Biongooo ada?"

Tunggu Oto Lewat

Pagi-pagi itu alo yang umur 9 taon, kebetulan lagi libur skolah minta ijin pa mama

Alo : "ma kita mo pi bermaeng dulu pa ungke perumah....."

Mama : "eh alo..... ngana so sumokol?"

Alo : "sudah mama.....eleh papa pe nasi for dikobong ta so ambe akang sadiki...."

Mama : "ah ngana alo.., io pigi jo dang, mar kalo ba potong jalang tunggu oto lewat dulu baru ba potong neh?"

Alo : "beres mama... sapa pe anak kwa...."

10 menit kemudian tu alo so bale, kong manangis pe kancang

Mama : "kiapa ngana alo...?" (mama so nae darah)

: "dong ada cubit pa ngana?"

: "atau ada tumbu pangana?"

: "oh dong nentau pa mama?"

: "capat jawab kiapa ngana manangis?"

Alo : "bukang mama..."

Mama : "kong apa dang?"

Alo : "abis mama bilang tunggu oto lewat dulu baru kita potong jalang, kita tunggu-tunggu nyanda ada oto yang lewat...."

Mama:; x_x

Utu antar dpe oma ka dokter

Utu mo pi antar pa depe oma pi ka dokter nae motor.
Utu: Mari jo, Oma. klo ba bonceng, jang lupa ba pegang kuat neh..
Oma: iyo, ini so ba pegang kuat noh..
Utu: jang lupa ba pegang kuat neh, oma..
Utu kase inga ulang pa oma waktu motor somo bajalang..
..Oma: Iyo.. sudah so ba pegang.. cerewet skali ngana eh…
Utu: So butul2 so ba pegang kuat, Oma?
Kita so mo bajalang ini…
Utu langsung tancap gas. kong kage dapa dengar rupa ada barang jatung..
BRUAKKKKKKK!!
Utu kage kong haga ka blakang.. astaga.. ternyata oma so jatung dari motor…
Utu: Kiapa oma boleh jatung dang? Kita kan so bilang ba pegang kuat. Oma nyanda ba pegang so?
Oma: Sudah.. oma so ba pegang.. so ba pegang kuat-kuat le..!!
Utu: oma ba pegang dimana so?
Oma: Di pagar rumah…